Hazırki “Məxfilik Qaydaları” “ASBC” MMC şirkətinin asbc.az saytında istifadəçilərin fərdi məlumatlarından istifadə qaydalarıdır. Məxfilik qaydaların şərtləri yalnız istifadəçi tərəfindən könüllü şəkildə təqdim edilmiş məlumatlara şamil olunur. Bu saytdan və onun funksionallıqlarından istifadə etməklə istifadəçi bu qaydalarla və bu qaydalara müvafiq olaraq onun fərdi məlumatlarının toplanması, istifadəsi və ya digər formada işlənməsinə razılıq vermiş olur.

asbc.az internet mağazası istehlakçının fərdi məlumatlarının qorunması hüququna hörmətlə yanaşır və müştərilər tərəfindən təqdim olunan məlumatların məxfiliyini yüksək səviyyədə təmin edir. Buna görə də biz tam məsuliyyət daşıyırıq ki, asbc.az internet mağazası saytından istifadə zamanı istifadəçidən əldə olunan bütün məlumatlar yalnız təyinatı üzrə istifadə olunacaq və üçüncü şəxslərin qanunsuz müdaxiləsindən etibarlı şəkildə qorunacaq. 

Fərdi məlumatların toplanması və işlənməsi müxtəlif xüsusi metod və alətlər vasitəsilə həyata keçirilir. Bunlara istifadəçi tərəfindən doldurulmuş formaların şirkətin məlumat bazasında saxlanılması, onlayn sorğuların aparılması, saytın trafikinin peşəkar proqram təminatı ilə izlənməsi, xəbər bülletenlərinin idarə olunması, xüsusi tətbiqlərin istifadəsi və digər üsullar daxildir.  Fərdi məlumatlara istifadəçilərin adı, poçt ünvanı, elektron poçt ünvanı, əlaqə nömrəsi və kredit kartı məlumatları daxildir. Heç bir halda şəxsin irqi və ya milli mənsubiyyətinə, ailə həyatına, dini etiqadına və əqidəsinə, səhhətinə və ya məhkumluğuna aid olan məlumatlar  toplanılmır və ya işlənilmir.  

Saytın bəzi bölmələrində qeydiyyat və ya abunəlik tələb oluna bilər və bu məqsədlə istifadəçidən müəyyən məlumatlar sorğu formasında toplanır. Toplanan məlumatlar istifadəçinin identifikasiyası, təsdiqlənməsi və şəxsi hesabın doldurulması üçün istifadə olunur. Abunəlikdən imtina etmək isə dərhal həyata keçirilə bilər və əlavə heç bir təsdiq tələb olunmur.

Əldə olunan məlumatların yeganə sahibi SYSTEMS BUSINESS CONTROL SRL şirkətidir və bu şirkət şəxsi həyata toxunulmazlıq hüququna hörmət olunacağına zəmanət verir. asbc.az internet mağazası, istifadəçidən əldə olunan fərdi məlumatların məxfiliyini və qorunmasını təmin etmək məqsədilə zəruri təhlükəsizlik tədbirləri görməyi öhdəsinə götürür.

Fərdi məlumatların təhlükəsizliyini təmin etmək üçün müxtəlif təhlükəsizlik əlavələrindən istifadə edirik. Xidmətlərimizdə SSL şifrələməsini fəal şəkildə istifadə edirik. Yalnız xüsusi tapşırıqla çalışan şəxslər (məsələn, texniki dəstək və ya ödənişlərin həyata keçməsi) fərdi məlumatlara giriş edə bilər. Fərdi məlumatların toplanılması, işlənilməsi və mühafizəsi sahəsində fəaliyyət göstərən əməkdaşlarımız fəaliyyət müddətində və işdən çıxdıqdan sonra istifadəçilərin fərdi məlumatlarının yayılmaması barədə yazılı iltizam verirlər.

Məxfi məlumatların qeyd olunduğu serverlər və kompüterlər təhlükəsiz mühitdə saxlanılır.

İstifadəçilərin fərdi məlumatları, sifarişin və ya əməliyyatın icrası üçün zəruri məlumat istisna olmaqla (məsələn sifarişi göndərərkən) hər hansı səbəblərə görə nə satıla, nə də üçüncü şəxslərə ötürülə bilər.

Biz fərdi məlumatları satmırıq, dəyişmirik və kənar şirkətlərə ötürmürük.  Fərdi məlumatlar yalnız saytın fəaliyyəti və biznesin inkişafı üçün bizə dəstək verən, və məxfiliyi qorumağa razı olan etibarlı tərəfdaşlarla paylaşıla bilər.

Biz cinayətlərin qarşısını almaq və istintaqa kömək etmək məqsədilə məlumatları paylaşa bilərik. Bu, xüsusilə, fırıldaqçılıq şübhəsi, insanların təhlükəsizliyinə fiziki təhdid edən hərəkətlər və istifadə qaydalarının pozulması zamanı tətbiq olunur.

Bu 4-cü bənddə və bu qaydalarda göstərilən məqsədlər üçün istifadəçilərin fərdi məlumatları Azərbaycan Respublikasının sərhədlərindən kənara ötürülə bilər, istifadə edilə və bu sərhədlərdən kənarda saxlanıla (xaricdə yerləşən serverlərdə) bilər.   

asbc.az internet mağazasının istifadəçiləri bilməlidirlər ki, onların fərdi məlumatları aşağıdakı məqsədlərlə toplanacaq, saxlanılacaq və ya başqa formada işlənəcəkdir:

• İstifadəçilərin sorğusuna uyğun olaraq xidmət göstərilməsi;
• Personal reklam təklif edilməsi;
• İstifadəçilərin dəstək sisteminin təkmilləşdirilməsi;
• Sifarişlərin, xidmətlərin və ya malların təsdiqi, göndərilməsi və ya hesab-fakturaların təqdim edilməsi;
• Sifarişlər, müqavilələr, xidmətlər və alınmış mallarla bağlı yaranmış problemlərin həlli;
• Müəyyən xidmətlərə çıxışın təmin edilməsi;
• Müştərilərlə əlaqə saxlanılması;
• Şirkətin informasiya bazasının formalaşdırılması və statistik hesabatların hazırlanması;
• asbc.az mağazalar şəbəkəsinin sərfəli təklifləri, endirimləri, aksiyaları və şirkət tərəfindən təşkil olunan digər tədbirlər barədə müxtəlif əlaqə kanalları vasitəsilə istifadəçilərin məlumatlandırılması.

Yuxarıda göstərilən məqsədlər üçün istifadəçilərlə əlaqə elektron poçt, telefon zəngi, SMS, messencerlər (WhatsApp, Viber, Telegram), push-bildirişlər və digər uyğun rabitə vasitələri ilə həyata keçirilə bilər.

Bəzi hallarda asbc.az internet mağazası istifadəçilərin IP ünvanlarından (Internet Protocol Address) və digər şəxsi xarakter daşımayan məlumatlardan istifadə edir. Misal üçün, sayta daxilolma vaxtı, sayta hansı məkandan daxil olunduğu, brauzer və əməliyyat sistemi versiyası kimi məlumatlar aşağıdakı məqsədlərlə istifadə olunur:

• Saytın idarə olunması;
• İstifadəçi maraqlarının təhlili və müəyyənləşdirilməsi;
• Demoqrafik statistik məlumatların hazırlanması;
• Saytda naviqasiyanın yaxşılaşdırılması;
• İstifadəçilər üçün ən uyğun və faydalı məlumatların dərc olunması.

Bütün məlumatlar istifadəçilərin məlumatlandırılması və xidmətin keyfiyyətinin yaxşılaşdırılması məqsədilə istifadə olunur.

Hər bir istifadəçinin aşağıdakı hüquqları vardır: 

• Toplanılan məlumatların mülkiyyətçisi və ya istifadəçisi barədə məlumat almaq;
• Fərdi məlumatların hansı formada və hansı məqsədlə əldə edilib saxlanılması barədə məlumat almaq;
• Toplanılan fərdi məlumatlarda hər hansısa bir səhv olduqda, düzəldilməsini tələb etmək;
• Fərdi məlumatların toplanılmasına və işlənilməsinə etiraz etmək;
• Əldə olunmuş məlumatların silinməsini və ya məhv edilməsini tələb etmək (qanunvericiliyin icazə verdiyi hallarda);
• Qanunveriliklə nəzərdə tutulmuş digər hüquqlar.

İstifadəçinin fərdi məlumatların emalı üçün verdiyi razılıq həmin məlumatların by qaydalara müvafiq olaraq istifadəsi və emalına ehtiyac olan müddət ərzində qüvvədə qalır. İstifadəçi istənilən vaxt razılığını geri götürmək hüququna malikdir – bunun üçün bu qaydaların 9-cu hissəsində göstərilən əlaqə vasitələri ilə əlaqə saxlamaq lazımdır. İstifadəçi razılığını geri götürdükdə, fərdi məlumatların emalı dayandırılır.

Fərdi məlumatların müəyyən informasiya sistemində saxlanma müddəti başa çatdıqdan və ya istifadəçi vəfat etdikdən sonra məlumatlar qanunvericiliyə uyğun olaraq məhv edilir və ya arxivləşdirilir.

Bizim “cookie” faylları sayta giriş imkanlarını yaxşılaşdırmaq və təkrar sayta dönüşləri müəyyən etmək üçün istifadə olunur. Bundan əlavə, onlar ən çox tələb olunan sorğuları izləməyə imkan verir. “cookie” faylları heç bir məxfi məlumatları ötürmür.

Fərdi məlumatların işlənməsi və saxlanması Azərbaycan Respublikasının “Fərdi məlumatlar haqqında” 11.05.2010 tarixli, 998-IIIQ saylı qanunu çərçivəsində həyata keçirilir.
Ətraflı məlumat üçün, aşağıdakı əlaqə vasitələri ilə bizimlə əlaqə saxlaya bilərsiniz.

ASBC MMC
"City Point Baku" Biznes Mərkəzi, Cəlil Məmmədqüluzadə küçəsi 102A, 8-ci mərtəbə, Bakı, Azərbaycan
+994 12 493 28 88; 493 73 33 
business@asbc.az